სიტყვა მართლისა სარწმუნოებისა: March 2013

გვერდი ეძღვნება, წმიდათა შორის მამასა ჩვენსა თეოდორეს, სტუდიელ აღმსარებელს.

გვერდის მიზანი

მოგესალმებით საქართველოში მართლმადიდებელი ეკლესიის საინფორმაციო ინტერნეტ-გვერდზე "სიტყვა მართლისა სარწმუნოებისა."

ჩვენი მიზანია, გავაცნოთ მკითხველს მართლმადიდებელი ეკლესიის სწავლება ყველა იმ საღვთისმეტყველო და კანონიკური საკითხის შესახებ, რომელიც მცდარად და დამახინჯებულად იქადაგება "მსოფლიო მართლმადიდებლობის" იურისდიქსციებში და მათ შორის საქართველოს საპატრიარქოში. განსაკუთრებით კი, გვსურს ნათელი მოვფინოთ ჭეშმარიტი მართლმადიდებლების ბრძოლას, ჩვენი დროის უდიდესი საცდურის - ეკუმინიზმის მწვალებლობლობის წინააღმდეგ.

დღეს, საყოველთაო განდგომილების ჟამს, საქართველოს საპატრიარქოსა და სხვა ადგილობრივი ოფიციალური ეკლესიების სწავლებებში, ისე არის შესისხლხორცებული მწვალებლური შეხედულებები (ეკუმენიზმი, მოდერნიზმი, სერგიანიზმი, სქოლასტიცისზმი, ფილეტიზმი და ცრუმორწმუნოებაც კი), რომ უმრავლეს შემთხვევაში, იმას რაც საღდება მართლმადიდებლობის სახელით - არაფერი აქვს საერთო მართლმადიდებლობასთან, იმ უმწიკვლო სარწმუნოებასთან, რომელიც უფალმა ჩვენმა იესო ქრისტემ გვიქადაგა, მისმა მოციქულებმა განგვიმარტეს, ღმერთშემოსილმა მამებმა შეინახეს და წმიდა მოწამეებმა თავისი სისხლით დაამტკიცეს.

ყველა მართლმადიდებელი ქრისტიანის მოვალეობაა, ზედმიწევნით შეისწავლოს ეკლესიის სწავლება, მტკიცედ დადგეს მასზე და დაიცვას ის ნებისმიერი ინოვაციისაგან.

ღმერთმა გააძლიეროს ყველა მართლმადიდებელი ქრისტიანი, ვინც ამ საყოველთაო განდგომილების ჟამს, სარწმუნოების ერთგული რჩება!

ანათემა ეკუმენიზმის მწვალებლობის წინააღმდეგ

"ანათემა მათ ვინც ქრისტეს ეკლესიის წინააღმდეგ ილაშქრებს და ასწავლის, თითქოს ქრისტეს ეკლესია ე. წ. 'განშტოებებად' დაიყო, ანდა - თითქოს ეკლესია ხილულად არ არსებობს და მხოლოდ მომავალში შეიქმნება, როდესაც ყველა განშტოება (აღმსარებლობა) და სერთოდ ყველა რელიგია ერთ სხეულად გაერთიანდება. ანათემა მათაც, ვინც ეკლესიის მღვდლობასა და საიდუმლოებს, მწვალებელთა მღვდლობისა და საიდუმლოებისაგან არ განასხვავებს და ამბობს თითქოს მწვალებელთა ნათლობა და ევქარისტია საკმარისია ცხონებისათვის. ანათემა მათაც, ვისაც შეგნებულად აქვს ურთიერთობა (ლოცვითი კავშირი) ხსენებულ მწვალებლებთან, ანდა იცავს, ავრცელებს და ესარჩლება ეკუმენიზმის ახლად მოვლენილ მწვალებლობას, ვითომცდა ძმური სიყვარულის ანდა განყოფილი ქრისტეანების სავარაუდო გაერთიანების საბაბით!"

სიტყვა მართლისა სარწმუნოებისა

პაპთან სტუმრობა: მსოფლიო მართლმადიდებლობის ლიდერები ვატიკანში